Cпаборніцтва па ручной касьбе сена

Упершыню ў Беларусі прайшло міжнароднае спаборніцтва ручной касьбы сена. Яно адбылося ў рамках экалягічнага фэстывалю «Спораўскія сенакосы» ў вёсцы Высокае на трэрыторыі заказьніка «Спораўскі».

На адкрыцьці чэмпіянату па касьбе посьпехаў удзельнікам пажадаў між іншым міністар прыродных рэсурсаў і аховы навакольнага асяродзьдзя Ўладзімер Цалко.

Чэмпіянат заяўлялі як эўрапейскі. Але Эўропу прадстаўляла толькі адна польская каманда. Усяго ж на старт выйшла 25 камандаў. Ім прыйшлося прайсьці на 100 мэтраў. Судзьдзі ўлічвалі шырыню пракосу, яго чысьціню і вышыню грывы. «Золата» здабыла, як і чакалася, каманда зь Бярозаўкі «Картузяне» Васіль Новік і Віктар Здановіч.

Хартыя'97/нг