Праваслаўнае набажэнства архірэйскім чынам

Пры доме «Кінанія» Брацтва Віленскіх мучанікаў, што пад Менскам, упершыню было праведзена цалкам на беларускай мове праваслаўнае набажэнства архірэйскім чынам, паведамілі ў Беларускім экзархаце.

«Набажэнства ўзначаліў вікарый Менскай епархіі епіскап Барысаўскі Веніямін. Архірэю саслужылі клірыкі Петрапаўлаўскага храма горада Менску протаярэй Віталь Харытановіч і ярэй Юры Залоска», — распавялі ў БПЦ.

Таксама ў экзархаце нагадалі, што прападобнага Феадора, князя Астроскага, глыбока шануюць ва Ўкраіне, асабліва на Ровеншчыне. За літургіяй у дзень яго памяці былі ўзьнесеныя малітвы аб мірным вырашэньні ўкраінскага канфлікту.

«Асаблівую атмасфэру яднаньня з братэрскім украінскім народам стварыў выступ фальклёрнага ансамбля „Калыханка“ з пасёлку Міханавічы Менскага раёну, у выкананьні якога прагучалі канты на ўкраінскай мове», — дадалі ў БПЦ.

На багаслужбе маліліся і прадстаўнікі Польскай праваслаўнай царквы.

Паводле БелТА/нг