На ўрачыстасьці ў Будслаў прыбылі 2700 пілігрымаў

На ўрачыстасьці ў Будслаў прыбылі 2700 пілігрымаў. 4-5 ліпеня праходзяць традыцыйныя ўрачыстасьці, прысьвечаныя абразу Маці Божай Будслаўскай.
З 26 чэрвеня ў Будслаў ішлі пешыя пілігрымы з розных гарадоў Беларусі. Самай масавай стала пілігрымка з Баранавічаў — 419 чалавек. Таксама сюды прыбылі каталіцкія вернікі зь Віцебска, Маладзечна, Менска, Горадні, Пінска ды іншых гарадоў Беларусі. Ёсць і госьці з Расеі. Усяго ў Будслаў прыйшлі 2700 чалавек.
Увечары ўчора вернікі сабраліся ў нацыянальным санктуарыі ў Будславе. Іх вітаў мітрапаліт Тадэвуш Кандрусевіч, сьвятую імшу правёў біскуп Віцебскай дыяцэзіі Алег Буткевіч.

белапан/вс