У Віцебску страйкуюць прадпрымальнікі

Віцебскія прадпрымальнікі страйкуюць, бо ў іх праблемы з выкананьнем тэхнічнага рэглямэнту, паводле якога зь 1 ліпеня ім пагражае канфіскацыя рэшткаў тавару, які не суправаджаецца адпаведнымі дакумэнтамі, што пацьвярджаюць якасьць.

„Сёньня адбылося папераджальнае спыненьне працы на адзін дзень з мэтаю прыцягнуць увагу да нашай праблемы”, - кажа старшыня арганізацыйнай групы па стварэньні прафсаюзу прадпрымальнікаў „Разам” Ірына Яськевіч.

На вулічным кірмашы „Полацкі” ня выйшлі на працу 30 % прадпрымальнікаў. На крытым кірмашы „Эвіком” больш за 90 % кропак страйкуюць.

На кірмашы „Смаленскі” працуе толькі 5 % прадпрымальнікаў. Некаторыя гандляры прыйшлі да месцаў працы, але не адчыняюць ралеты на сваіх гандлёвых кропак.

Страйк падтрымалі гандляры зь Лепеля, там цалкам не працуе рынак.

svaboda.org/аз