МЗС рэкамэндуе грамадзянам РБ ня ездзіць у Тайлянд

Міністэрства замежных спраў Беларусі інфармуе пра сур'ёзнае абвастрэньне ўнутрыпалітычнай сытуацыі ў Тайляндзе.

„Па ўсёй краіне, у тым ліку ў курортных зонах, уведзеная камэнданцкая гадзіна ад 22.00 да 5.00. Дзеяньне Канстытуцыі прыпынена. Забароненыя любыя сходы ў колькасьці больш за пяць чалавек”, - гаворыцца ў паведамленьні МЗС ад 23 траўня.

У сувязі з гэтым МЗС зноў настойліва рэкамэндуе грамадзянам Беларусі па магчымасьці адкласьці наведваньне Тайлянда, а тым, хто знаходзіцца ў гэтай краіне - устрымацца ад паездак у Бангкок, пазьбягаць наведваньня месцаў зь вялікай колькасьцю людзей і выконваць усе патрабаваньні органаў аховы правапарадку.

БелаПАН/аз