Дзіцячае сьвята ў Менску

Гарадзкое сьвята «Шчасьлівая ўсьмешка дзяцінства» адбудзецца ў Менскім дзяржаўным Палацы дзяцей і моладзі 30 траўня. Як паведаміла дырэктар Палацу Галіна Шкляр, гасьцей чакае незабыўнае шоў.

— У Палацы дзяцей і моладзі будуць працаваць інтэрактыўныя пляцоўкі «Вясёлка талентаў», «Спартовы калямбур», «Усьмешка дружбы», «Вясёлыя забавы», «Радасьць дзяцінства», — распавяла Г. Шкляр.

Дзяўчынкі і хлопчыкі змогуць паспрабаваць сябе ў спаборніцтвах на хуткасьць і спрыт, прыняць удзел у конкурсах і віктарынах, запусьціць у неба папяровыя самалёцікі з пажаданьнямі. Прадстаўнікі нацыянальных дыяспар пазнаёмяць дзетак з культурай сваіх краін.

Завершыцца сьвята запускам фантану.

«Менск-Навіны»/эб