Зачыстка перад чэмпіянатам працягваецца

Пра гэта сьведчаць акцыі праваахоўных органаў па прэвэнтыўным затрыманьні грамадзкіх актывістаў напярэдадні спартовай імпрэзы.

Пра паўстаўшую сытуацыю інфармуе праваабарончы цэнтар «Вясна» ў сваім звароце да Працоўнай групы па адвольных затрыманьнях ААН.

Беларускія праваабаронцы адзначаюць, што актывістаў затрымліваюць выключна па сфабрыкаваных і аднатыпных абвінавачваньнях – «дробнае хуліганства», «непадпарадкаваньне супрацоўнікам міліцыі». Суды гэтаксама аднабакова й фармальна падыходзяць да разгляду адміністрацыйных спраў, кіруючыся прэзумпцыяй даверу да супрацоўнікаў міліцыі й абвяргаюць доказы абароны.

Паводле праваабаронцаў, пад арышт у апошнія дні трапіла больш за 10 чалавек, сярод якіх Зьміцер Дашкевіч, Аляксандр Францкевіч, Юры Рубцоў, Леанід Смоўж, Мікалай Колас, Дзяніс Карноў, Аляксандр Курбацкі, Аляксандр Стукін, Валерый Тамілін, Уладзімір Новікаў.

Гэтыя затрыманьні праваабаронцы называюць беспадстаўнымі ды палітычна матываванымі.

Паводле spring96.org