„Белавія” адмовілася ад палётаў у Крым гэтым летам

„Белавія” канчаткова адмовілася ад палётаў у Крым гэтым летам. Пра гэта 18 красавіка заявіў генэральны дырэктар авіякампаніі Анатоль Гусараў.

„Мы маем магчымасьць выконваць палёты ў тым ліку і ў Сымфэропаль. Але попыт на гэты кірунак на працягу лютага, сакавіка й пачатку красавіка ніжэй за папярэднія гады”, - паведаміў Гусараў.

Паводле яго, за апошнія месяцы былі выпадкі, калі пасажыры здавалі ўжо купленыя квіткі на рэйс у Сымфэропаль.

Рашэньне аб адмене летніх рэйсаў у Сымфэропаль нацыянальная авіякампанія „Белавія” прыняла ў сувязі зь іх „малой камэрцыйнай загрузкай”.

У той жа час адміністрацыя Нікалаеўскай вобласьці Ўкраіны лічыць мэтазгодным адкрыцьцё чартэрных авіярэйсаў зь Менска ў Нікалаеў. Прадстаўнік адміністрацыі рэгіёну кажа, што вядуцца перамовы з беларускімі ўладамі, аднак прынцыповай згоды пакуль няма.

БелаПАН/euroradio.fm/аз