Лёгкаатлета Івана Ціхана дыскваліфікавалі за 2005 год

Беларускага малатабойца пакаралі двухгадовай дыскваліфікацыяй за выкарыстаньне забароненых прэпаратаў падчас Алімпійскіх гульняў-2004 у Атэнах і Чэмпіянату сьвету-2005 у Хельсінкі, піша „Прессбол”.

Срэбра з Атэнаў Ціхан ўжо вярнуў. Зараз, верагодна, яму давядзецца вярнуць і золата сусьветнага першынства-2005.

Міжнародная фэдэрацыя лёгкай атлетыкі не стала ўжываць паўторную дыскваліфікацыю - мабыць, таму што другое парушэньне адбылося ўсяго праз год пасьля першага. Тэрмін пакараньня адлічваецца ад 3 жніўня 2012-га й заканчваецца сёлета 3 жніўня.

Дарэчы, другое месца на Чэмпіянаце сьвету-2005 заняў іншы беларускі атлет Вадзім Дзевятоўскі, цяперашні дэпутат Палаты прадстаўнікоў. Вядома, што Міжнародная фэдэрацыя праводзіць расьсьледаваньне й па яго пробе.

euroradio.fm/аз