Сьветлагорцы не затрымалі будаўніцтва новага хімзавода

Сьветлагорцы праігралі бітву за сваё здароўе. Улады праігнаравалі ўсе пратэсты жыхароў супраць будаўніцтва ў горадзе завода сульфатнай беленай цэлюлозы з выкарыстаньнем дыяксіду хлёру. Таксама суды не ўзялі пад увагу зваротаў грамадзян.

Дыяксід хлёру – небясьпечная хімічная субстанцыя, якая шкодзіць здароўю дзяцей. Жыхары Сьветлагорска сабралі звыш 10 тыс. подпісаў з патрабаваньнем спыніць будаўніцтва, на якое быў узяты крэдыт з кітайскага банку. Але ўлады звароты праігнаравалі, спасылаючыся на тое, што вытворчасьць будзе бясьпечнай і дасьць новыя працоўныя месцы.

У Сьветлагорсу й бяз новага хімічнага аб’екта назіраецца павышаны ўзровень хваробаў насельніцтва, чым у Менску. Жыхары горада часьцей хварэюць на пухліны, захворваньні эндакрыннай сыстэмы, крыві й тканак ды хваробы страўнікавай сыстэмы.

naviny.by/нг