Мікрааўтобус зь беларускімі біятляністамі трапіў у ДТЗ у Аўстрыі

Мікрааўтобус зь беларускімі біятляністамі трапіў у ДТЗ у Аўстрыі, - аб гэтым паведамілі ў Беларускай фэдэрацыі біятлёна.

Аварыя адбылася 22 студзеня на адной з аўтамабільных трас у Аўстрыі. У мікрааўтобусе знаходзіліся чальцы нацыянальнай каманды „Б”.

На сьлізкай дарозе аўтамабіль разьвярнула й ён ударыўся ў разьдзяляльны бар'ер. Трэнэры й спартсмэны не пацярпелі.

На дадзены момант усе чальцы каманды знаходзяцца на заплянаваным месцы збору й 23 студзеня пачнуць трэніроўку.

БелТА/аз