Работнікаў "Гарызонта" перавядуць на чатырохдзёнку

Дырэктар завода "Гарызонт" падпісаў загад, згодна зь якім рабочым найбуйнейшага вытворцы электронікі ў Беларусі зьменшаць зарплату й перавядуць на 4-х дзённы працоўны тыдзень.

З пачатку студзеня й да канца сакавіка 2014 на “Гарызонце” пятніцы будуць выходнымі, а зарплата рабочым прадпрыемства будзе выплачвацца з улікам фактычна адпрацаванага часу. Пра гэта гаворыцца ў загадзе дырэктара завода "Гарызонт" Аляксандра Арлова, тэкстам якога валодае "Беларускі партызан".

"Загадваю ўсталяваць для ўсіх работнікаў структурных падразьдзяленьняў, за выключэньнем тых, хто забясьпечвае жыцьцядзейнасьць і бясьпеку прадпрыемства, няпоўны працоўны тыдзень з дадатковым выходным днём у пятніцу з 8 студзеня 2014 года па 31 сакавіка 2014 года. (...) Адначасова растлумачыць работнікам наступствы адмовы ад працы ў прапанаваным рэжыме”, - гаворыцца ў загадзе.

“Беларускі партызан” адзначае, што пра тое, якімі наступствамі можа павярнуцца адмова ад працы ў "прапанаваным рэжыме", невядома. Выданьне таксама нагадвае, што загад, па якім работнікаў пераводзяць на скарочаны тыдзень, незаконны, бо супярэчыць 32 артыкулу “Працоўнага кодэкса РБ”.

ав