Страйк на фабрыцы ў Віцебску

Працаўніцы віцебскай трыкатажнай фабрыкі “Клясыка індустрыі моды” аб’явілі страйк. Учора зьмена “А” спыніла працу на тры гадзіны, а зьмена “Б” прастаяла ўвесь працоўны час. Людзей абурае, што яны атрымалі за два месяцы толькі па 250 тыс. рублёў.

Са страйкоўцамі сустрэліся галоўны інжынер і юрыст КІМу. Яны спрабавалі пераканаць жанчын, што яны парушаюць Працоўны кодэкс Беларусі. Паводле словаў дэмакратычнага актывісту з Віцебска Хрыстафора Жаляпава, сёньня швачкі выйшлі на працу, каб не было прагулу, але не працуюць, проста сядзяць.

Народныя навіны Віцебска; Радыё Свабода/нг