5 верасьня — гістарычны чацьвер у Магілёве

У чацьвер, 5 верасьня, адбудзецца першая пасьля гадовага перапынку прэзэнтацыя часопіса Arche ў Магілёве. Прысутных чакае захапляльнае знаёмства зь дзясяткамі выданьняў, найперш гістарычнай скіраванасьці.

Гісторык Алесь Белы раскажа пра сваю кнігу «Хроніка Белай Русі. Імагалогія Беларусі», праца над якой заняла ў яго амаль 20 гадоў.

Рэдактары Arche Алесь Пашкевіч і Валер Булгакаў азнаёмяць удзельнікаў прэзэнтацыі з апошнімі выпускамі часопіса — «Паліцаі і партызаны», «Гістарычная палітыка і гістарычная памяць Беларусі», «Ахвяры і каты».

Размова таксама пойдзе пра іншыя тэматычныя выпускі часопіса Arche — «Вайсковая гісторыя ВКЛ», «Гісторыя беларускай штодзённасьці», «Як Гітлер мог перамагчы», «Тэрор і прапаганда ў акупаванай Беларусі», «Грунвальд», «Плошча 19 сьнежня 2010», «Полацак у прасторы і часе», 1950-я ў Беларусі: «Ад сталінізму да застою», і іншыя публікацыі.

Сустрэча пачнецца а 19:00 у цэнтры «Кола сяброў» (завулак Чкалава, 16). Даведкі па тэл: (029) 550-79-69.

arche.by/nn.by/эб