Незалежных журналістаў выклікаюць у пракуратуру
PR dla Zagranicy
Elvira Sienkiewicz
29.05.2013 15:30
Выклікаюць іх, імаверна, з-за кітайскага парку.
Сябры ГА «БАЖ» Вольга Чайчыц і Алесь Сіліч атрымалі позвы з патрабаваньнем зьявіцца ў Смалявіцкую раённую пракуратуру. Незалежных журналістаў выклікаюць, каб узяць у іх тлумачэньні. Зьявіцца ў пракуратуру яны павінны 30 траўня, паведамляе прэс-служба БАЖ.
Вольга Чайчыц і Алесь Сіліч зьвязваюць выклік у пракуратуру зь іх прысутнасьцю на грамадзкім абмеркаваньні праекту Кітайска-беларускага індустрыяльнага парку пад Смалявічамі, які праходзіў у красавіку. Тады супрацоўнік міліцыі, які прысутнічаў на абмеркаваньні, перапісаў пашпартныя дадзеныя журналістаў і паабяцаў «разабрацца».
БАЖ/эб