Стыхія мінула: над Беларусьсю сьвеціць сонца

Цыклён «Хаўер», які бушаваў над Беларусьсю ў другой палове дня ў пятніцу і ўначы, адыйшоў на паўночны ўсход, у бок Расеі.

Над Менскам сонца паступова прабіваецца праз хмары. За 12 гадзін «Хаўер» намёў нямала сьнегу, які цяпер зіхаціць пад сакавіцкім сонцам.
Надвор’е на сёньня мінус 5–7, парывы ветру -- да 11 мэтраў у сэкунду.

Тым ня менш, ДАІ і МНС рэкамэндуюць адмовіцца сёньня ад паездак на аўтамабілях: у пятніцу ўтварыліся нечуваваныя заторы на трасах, якія месцамі ўсё яшчэ стаяць. Заняткі й мерапрыемствы ў беларускіх школах адмененыя.

Выезд зь Менску па-ранейшаму абмежаваны. Няма руху на дарозе М4 Менск — Магілёў да 45-га кілямэтру. Ідзе расчыстка трасы на Барысаў (Р53), цяжкая сытуацыя на трасе Берасьце — Менск у раёне Дзяржынска.

Затое аднавіў працу Нацыянальны аэрапорт «Менск», самалёты рыхтуюцца да вылету.

nn.by/эб