Гародня рыхтуецца да выставы «Казюкі-2013"

Выстава-кірмаш «Казюкі-2013» пачнецца 4-га сакавіка на Савецкай плошчы Гародні. На ёй можна будзе набыць унікальныя вырабы народных майстроў са скуры, бісеру, мэталу, дрэва ды іншых матэрыялаў. Таксама плянуюцца паказы майстар-клясаў, ды ўстаноўка імправізаваных майстэрняў пад адкрытым небам.

Сьвяточны настрой будуць ствараць творчыя калектывы ўстановаў культуры Гарадзенскай вобласьці. Гэта, між іншым, народны ансамбль беларуской песні й танцаў "Нёман", ансамбль "Гасьцінец", ансамбль літоўскай музыкі "Рута", калектывы "Нарвянкі", "Сібірак" ды іншыя.

Кірмаш "Казюкі" штогод ладзіцца ў Гародні ў памяць прасьвятога-заступніка моладзі, майстроў ды рамесьнікаў – сьвятога Казіміра, унука Ягайлы й сына ўладара Літвы й Польшчы Казіміра IV. Назва «Казюкі» паходзіць ад летувіскага слова Kaziukas. Так летувісы называюць пяшчотна сваіх майтсроў й рамесьнікаў.

Паводле БелТА