Дамовіліся пра пастаўкі нафты, ці не?

Фота: e-reading.org.ua

З афіцыйнага сайта Міністэрства энэргетыкі Расеі выдалена абвяржэньне заявы Аляксандра Лукашэнкі пра дасягненьне дамоўленасьці па аб’ёмах пастаўкі ў Беларусь расейскай нафты.

Абвяржэньне зьнікла вечарам 21 сьнежня, праз некалькі гадзін пасьля таго, як было апублікавана.

У пятніцу на сустрэчы са студэнтамі й выкладчыкамі Беларускага дзяржаўнага ўнівэрсытэта інфарматыкі й радыёэлектронікі Аляксандр Лукашэнка паведаміў, што Беларусь і Расея дамовіліся пра пастаўкі нафты ў 2013 годзе ў аб’ёме 23 млн. тон.

Гэтыя словы неўзабаве абвергла Мінэнэрга РФ. „На сёньняшні дзень пагадненьне пра аб’ёмы паставак у Рэспубліку Беларусь расейскай нафты ў 2013 годзе не падпісана”, - гаварылася ў паведамленьні ведамства энэргетыкі Расейскай Фэдэрацыі.

Вечарам 21 сьнежня абвяржэньне з сайту зьнікла.

nn.by/аз