Польскі тэатар перамог на "Белай вежы"

teatrbiuropodrozy.pl

Гран-пры XVII Міжнароднага фэстываля "Белая вежа", які праходзіў 7-14 верасьня ў Берасьце, прысуджана вулічнаму спэктаклю "Макбэт, хто гэты акрываўлены чалавек?" тэатра Biuro Podróży з Познані (Польшча).

У гэтым спэктаклі, пастаўленым Паўлам Шкотакам, п'еса Шэкспіра прадстаўлена як сьвет хаасу, дзе каштоўнасьць чалавечага жыцьця становіцца ўсё меней значнай, а злачыннасьць становіцца звычайнай справай.

Гэта ўжо другі выпадак, калі на фэстывалі "Белая вежа" Гран-пры прысуджаецца вулічнаму спэктаклю. Упершыню вышэйшай узнагарода тэатральнага форуму ў 2007 годзе была ўзнагароджана вулічная пастаноўка "Вішнёвы сад" Львоўскага духоўнага тэатра "Уваскрэсеньне".

Уручэньне галоўнай узнагароды й дыплёмаў ляўрэатаў адбылося 14 верасьня ў Берасьцейскім акадэмічным тэатры драмы.

БелаПАН/ав