Кірзігія будзе дамагацца ад Менску выдачы Бакіева

Нягледзячы на адмову Беларусі выдаць Кіргізіі Жаныбэка Бакіева – малодшага брата былога прэзыдэнта Курманбэка Бакіева, рэспубліка будзе дамагацца яго выдачы, каб прыцягнуць да крымінальнай адказнасьці за ўчыненьне асабліва цяжкіх злачынстваў.

Паводле прэс-сакратара МЗС Кіргізіі Нурджыта Кадырбэкава, "нягледзячы на тое, што Кіргізія атрымала зь Беларусі адмову аб яго экстрадыцыі ў рэспубліку, тым ня менш праводзіцца дыпляматычная праца з мэтай яго экстрадыцыі зь Беларусі".

Кіргізія раней зьвярнулася ў выканаўчы камітэт СНД, як дэпазытарый міжнародных дагавораў, для аказаньня садзейнічаньня ў рамках канвэнцыі аб прававой дапамозе па рашэньні пытаньня аб выдачы Жаныбэка Бакіева.

дг