Рыгор Барадулін шпіталізаваны

Рыгор Барадулін шпіталізаваны, - паведаміла Эўрарадыё. У народнага паэта выявілі парушэньне рытму сэрца.

Яшчэ пры канцы мінулага тыдня паэта наведала лекарка-тэрапэўт, якая западозрыла праблему. Паводле яе накіраваньня да паэта дадому прыехала лекарская камісія, якая зрабіла кардыяграму й выявіла парушэньне рытму сэрца.

Лекар настояў на шпіталізацыю. Першапачаткова гаворка ішла пра чатыры дні ў шпіталі, але на месцы лекары прынялі рашэньне пакінуць Рыгора Барадуліна прынамсі на два тыдні.

Раней у 77-гадовага паэта ўжо ўзьнікалі падобныя праблемы - тыя разы лекарам удавалася пасьпяхова, пры дапамозе кропельніц, аднавіць нармалёвы рытм сэрца.

Эўрарадыё/аз