Беларуская песьня прагучала ў Варшаве (ФОТА)

Беларускі дом у Варшаве стаў сядзібай канцэрту барда Тацьцяны Матафонавай. Сьпявачка прасьпявала славутыя песьні на словы беларускіх клясыкаў Янкі Купалы, Якуба Коласа, Максыма Багдановіча, сучасных - Ніла Гілевіча, Рыгода Барадуліна ды многіх іншых.

Адметнасьцю канцэртнай праграмы стала выкананьне, перакладзеных на беларускую мову замежных хітоў, у тым ліку расейскага рамансу «Гори, гори, моя звезда» ды гішпанскага шлягеру «Bésame mucho». Гаворыць супрацоўнік Беларускага дома ў Варшаве Насьця Кажапенка.

Насьця Кажапенка: Адбыўся надзвычай цёплы, надзвычай душэўны канцэрт. Публіка вельмі ўзрушана, слухачы расчуліліся, слухаючы сьпевы ў выкананьні спадарыні Тацьцяны Матафонавай. Асабіста мяне моцна кранула песьня на верш Рыгора Барадуліна «Трэба дома бываць часьцей». Балюча захацелася вярнуцца ў родныя мясьціны, сьпеў Тацьцяны вымусіў мяне заплакаць.

Падчас варшаўскага канцэрту беларуская сьпявачка Тацьцяна Матафонава абвясьціла аб падрыхтоўцы чарговага альбома. Новая кружэлка будзе складацца з беларускіх народных дзіцячых песень.

Поўны матэрыял слухайце ў далучаным зьверху гукавым файле

эж