ЦВК Украіны агучыла афіцыйныя вынікі першага туру выбараў

Кіраўнік Цэнтральнай выбарчай камісіі Ўкраіны Тацьцяна Сьліпачук прадставіла канчатковыя вынікі першага туру выбараў прэзыдэнта Ўкраіны, які адбыўся 31 сакавіка. Паводле іх, Уладзімір Зяленскі атрымаў 30,24% галасоў, а Пётр Парашэнка - 15,95%.

На трэцім месцы апынулася старшыня партыі „Бацькаўшчына” Юлія Цімашэнка з вынікам у 13,40% галасоў. Лідар „Апазыцыйнага блёка” Юры Бойка заняў чацьвёртае месцы з вынікам 11,67% галасоў. У сваю чаргу пятае месца заняў былы міністар абароны Ўкраіны Анатоль Грыцэнка з вынікам 6,91% галасоў.

Выбарчая яўка склала 62,78%. Усяго ў галасаваньні прынялі ўдзел 18 млн 893 тыс. 864 чалавекі.

Нагадаем, другі тур выбараў у якім будуць змагацца шоўмэн Уладзімір Зяленскі й дзейны прэзыдэнт Пётр Парашэнка адбудуцца 21 красавіка.

аз