Польскі прэзыдэнт пахваліў рамесьнікаў

Польскі прэзыдэнт узяў удзел ва ўрачыстым сходзе Палаты рамёстваў, малога і сярэдняга прадпрымальніцтва ў горадзе Катавіцэ.

Анджэй Дуда пачаў свой выступ з таго, што згадаў пра факт наведваньня ў 2009 годзе сядзібы Палаты прэзыдэнтам Лехам Качыньскім.

Тагачасны прэзыдэнт меў вялікую павагу да польскіх рамёстваў, да людзей працы, да традыцыйнай формы сямейнага бізнэсу, які перадаецца з пакаленьня ў пакаленьне, ёсьць вялікай каштоўнасьцю нашай краіны, нашага грамадзтва і нашай эканамічнай сыстэмы, – падкрэсьліў дзейсны прэзыдэнт.

Сабраным на сходзе Палаты ў Катавіцэ, Анджэй Дуда падзякаваў за стварэньне 30 тысяч працоўных месцаў, і павіншаваў з дасягнутымі посьпехамі.

Прэзыдэнт пераконваў, што кіроўны ўрад імкнецца аблегчыць жыцьцё маладым людзям, якія пачынаюць свой бізнэс, скарачаючы падатковую нагрузку, якая вельмі часта становіцца барʼерам для стварэньня сваёй уласнай кампаніі.

Пр/юл