Фэрмэры перад Прэзыдэнцкім палацам патрабуюць абароны сваіх інтарэсаў

Пратэст абвясьціла арганізацыя AGROunia.

Сяляне сабраліся каля Палацу культуры й навукі ў Варшаве і прайшлі па вуліцах сталіцы да Прэзыдэнцкага палацу, дзе будуць пікетаваць некалькі гадзін (да 16.00 польскага часу).

Сярод патрабаваньняў AGROunii знаходзяцца: маркіроўка харчовых прадуктаў у Польшчы з выкарыстаньнем сьцяга ці іншага графічнага знаку з указаньнем краіны паходжаньня й краіны вытворчасьці, адстаўка Галоўнага лекара вэтэрынарыі й скарачэньне патоку прадуктаў харчаваньня з-за мяжы.

Былы міністар сельскай гаспадаркі, дэпутат ад Польскай сялянскай партыі Марэк Савіцкі, у эфіры Польскага радыё сказаў, што сёньняшні пратэст AGROunii не павінен праходзіць каля Прэзыдэнцкага палацу, так як сельскагаспадарчыя пытаньні, не ў межах кампэтэнцыі прэзыдэнта. «Фэрмэры павінны зьвярнуцца да прэм’ер-міністра і міністра фінансаў», - лічыць Савіцкі.

яс