У Аўстраліі распачаліся пратэсты супраць сьвята пачатку калянізацыі

Дзясяткі тысяч чалавек вырушылі на вуліцы аўстралійскіх гарадоў. Дэманстранты пратэстуюць супраць адзначэньня дзяржаўнага сьвята – Дня Аўстраліі. Дзень Аўстраліі штогод адзначаецца 26 студзеня, сьвята нагадвае пра першых белых каляністаў, які прыбылі на гэты кантынэнт.

Спрадвечныя жыхары Аўстраліі – абарыгены, успрымаюць Дзень Аўстраліі, як дзень уварваньня на кантынэнт брытанскіх калянізатараў-імпэрыялістаў, які імгненна распачалі перасьлед мясцовага насельніцтва.

Дэманстрацыі пратэсту адбыліся ў Сіднеі, Мэльбурне, Канбэры ды іншых аўстралійскіх гарадах. Удзельнікі акцый дамагаюцца пераносу Дня Аўстраліі на іншую дату, аднак урад краіны, пад кіраўніцтвам Скота Морысана адмаўляецца ажыцьцявіць патрабаваньні пратэстоўцаў.

У Аўстралійскім Зьвязе зараз пражывае каля 700 тысяч абарыгенаў т гэта каля 3% насельніцтва краіны.

PAP/эж