Нямецкія грамадзяне не баяцца расейскага газу

Яшчэ больш немцаў хочуць працягу будаўніцтва трубаправода «Nordstream 2». Гэта вынікі апошняга апытаньня, праведзенага інстытутам «Forsa» па замове мэдыягрупы RTL.

67% немцаў ня бачаць ніякай небясьпекі ў тым, што Германія імпартуе большую частку свайго газу з Расеі. 73% лічаць, што трэба абавязкова пабудаваць газаправод «Nordstream 2». Толькі 16% выступаюць супраць.

У сваю чаргу, папярэджаньні аб залежнасьці Бэрліна ад расейскага газу, якія апошнімі днямі агучыў прэзыдэнт ЗША і амбасадар ЗША ў Нямеччыне, пераважная большасьць немцаў палічыла абсурдам.

90% немцаў кажуць, што амэрыканцы крытыкуюць трубаправод, таму што яны самі хочуць прадаваць газ у Эўропе. 77% немцаў лічаць амэрыканскае папярэджаньне непрымальным шантажам.

ПР/юл