Бэльгія падазрае расейскія спэцслужбы ў сачэньні за яе салдатамі

Міністэрства абароны Бэльгіі хоча ўвесьці абмежаваньні на выкарыстаньне мабільных тэлефонаў салдатамі. Гэта зьвязана са шматлікімі спробамі ўзлому расейскімі спэцслужбами смартфонаў, якія выкарыстоўваюцца сіламі НАТА падчас сумесных вучэньняў.

У апошнія гады было шмат паведамленьняў аб перахопе расейцамі даных з тэлефонаў салдат Паўночнаатлянтычнага альянсу, якія адпраўляюцца на ўсходні флянг войск НАТА. «Мы ведаем, што Масква зацікаўлена ў даных геалякацыі», — кажуць прадстаўнікі Міністэрства абароны Бэльгіі. Сацсеткі ў смартфонах дапамагаюць у атрыманьні гэтых даных. МА Бэльгіі падкрэсьлівае, што, вядома, месцы, дзе знаходзяцца сілы НАТА, вядомы, але даныя, скрадзеныя са смартфонаў, могуць даць інфармацыю аб колькасьці войск і пра дэталі вайсковых вучэньняў.

У цяперашні час МА Бэльгіі заказала праверку ўсіх аддзелаў, накіраваных на ўсходні флянг сіл НАТА.

вк