Польскія парлямэнтары назіраюць за выбарамі ў Грузіі

Польскія дэпутаты й сэнатары назіраюць у Грузіі за ходам другога тура прэзыдэнцкіх выбараў. За найвышэйшую пасаду ў дзяржаве змагаюцца кандыдатка ад кіруючага лягера Саломэ Зурабішвілі й апазыцыянэр Грыгол Вашадзэ.

Выбарчыя ўчасткі будуць адкрыты да 17.00 паводле польскага часу. За галасаваньнем сочыць 48 тысяч мясцовых і 1 300 міжнародных назіральнікаў.

У Грузію накіраваліся таксама прадстаўнікі польскага Сэйму й Сэнату.

„Мы працуем у тых рэгіёнах, у якіх апошнім часам фіксавалася найбольшая колькасьць выпадкаў парушэньня выбарчага заканадаўства”, - сказала дэпутатка ад кіроўнай партыі „Права й справядлівасьць” Малгажата Гасеўска (Małgorzata Gosiewska).

У апошнія дні выбарчай кампаніі канкуруючыя палітычныя лягеры абвінавачвалі адзін аднаго ў ціску на выбаршчыкаў. Мясцовыя СМІ зьвярталі асаблівую ўвагу на выкарыстаньне шантажу палітыкамі, зьвязанымі зь кіруючай партыяй „Грузінская мара”.

аз