Сёньня 100 мільёнаў амэрыканцаў рынуцца ў крамы

У Злучаных Штатах Амэрыкі распачалася так званая «чорная пятніца». У мінулым годзе падчас black friday жыхары ЗША выдаткавалі 717 мільярдаў даляраў. На думку эканамістаў сёлета выдаткі амэрыканцаў дасягнуць падобнай лічбы.

«Чорная пятніца»традыцыйна праходзіць на наступны тыдзень пасьля Дня ўдзячнасьці. З гэтай падзеі распачынаецца пэрыяд пакупак перад Калядамі. Крамы прыцягваюць пакупнікоў распродажам, часам зьніжкі дасягаюць нават 80%. Нягледзячы на значныя зьніжкі, «чорная пятніца» зьяўляецца самым прыбытковым часам амэрыканскіх крамаў.

Акцыі, зьвязаныя зь «чорнай пятніцай», таксама даступныя ў інтэрнэце. Летась падчас black friday амэрыканцы выдаткавалі ў інтэрнэце амаль 8 мільярдаў даляраў. У сувязі зь росквітам інтэрнэт-продажаў гэты рэкорд можа быць пабіты.

I.A.R./эж