У Мазавецкім ваяводзтве за тыдзень 24 новыя выпадкі захворваньня адром

Ёсьць 56 выпадкаў захворваньня і падазрэньня захворваньня адром – паінфармавала ўчора Ваяводзкая санстанцыя ў Варшаве. Гэта на 24 выпадкі больш, чым сем дзён назад. Згаданыя выпадкі зарэгістраваныя з 10 кастрычніка па 16 лістапада.

Пачаткова заражэньні тычыліся пяці паветаў. На сёньняшні дзень гэта 11 паветаў. Захварэлі перад усім грамадзяне Польшчы, сем – Украіны і двое грамадзян Віетнаму.

Міністэрства аховы здароўя ў апошнія дні выдала згоду на часовае ўвядзеньне ў абарот больш за 70 тысяч прышчэпак ад адру.Апошнімі днямі СМІ пісалі пра часовы недахоп прышчэпак. «Недахопы папаўняюцца», – запэўніў міністар аховы здароўя Лукаш Шумоўскі.

Адзёр – адна з найбольш заразных хваробаў. Вельмі небясьпечнымі зьяўляюцца ўскладненьні пасьля хваробы. Самымі лёгкімі з іх зьяўляецца запаленьне вуха і кішэчныя інфэкцыя, а найбольш сур’ёзнай – мэнінгіт.

ав