У Варшаве з нагоды незалежнасьці Польшчы запусьцілі рэтра-трамвай

З нагоды 100-годзьдзя незалежнасьці Польшчы, якое будзе адзначацца 11 лістапада, зь сёньняшняга дня ў Варшаве курсіруе рэтра-трамвай спэцыяльнай лініі N (першая літара слова Niepodległość – Незалежнасьць). Трамвай будзе хадзіць да 11 лістапада ўключна з правабярэжнай часткі сталіцы ў левабярэжную праз цэнтар гораду.

Паездка на трамваі – незвычайная, бо падчас ходу транспартнага сродка можна будзе пачуць цікавыя факты на тэму барацьбы Польшчы за незалежнасьць, а таксама прасьпяваць патрыятычныя песьні.

У будні дзень інтэрвал руху складае 120 хвілін, у выходны – паўгадзіны. Каб праехацца на трамваі, дастаткова купіць звычайны талён пра паездку ў варшаўскім гарадзкім транспарце.

Арганізатарам акцыі зьяўляецца Інстытут нацыянальнай памяці Польшчы і ўпраўленьне гарадзкога транспарту варшаўскай мэрыі.

вс