Дом Сораса спрабавалі падарваць

Невядомы заклаў бомбу ў паштовую скрыню дома мільярдэра Джорджа Сораса ў акрузе Ўэстчэстэр штату Нью-Ёрк, ЗША. Як паведамляе The New York Times, выбухоўку знайшоў працаўнік маёнтку.

Паводле дадзеных СМІ, ён аднёс знаходку ў бязьлюднае месца, пасьля чаго паведаміў пра яе праваахоўным органам.

Сапёры дыстанцыйна зьнішчылі сьмяротную пасылку. Сам Сорас, які зьяўляецца, паводле сьцьвярджэньня СМІ, даўняй мішэньню для ўльтраправых экстрэмістаў, у момант інцыдэнту дома адсутнічаў.

Паліцыя перадала расьсьледаваньне справы ў ФБР.

корреспондент/вс