У Кракаве праходзіць форум «Закон дзеля разьвіцьця»

У сустрэчы прымаюць удзел палітыкі, юрысты і прадстаўнікі навукі з розных краін сьвету. Адной з галоўных тэм суботніх дэбатаў была «Нацыянальная ідэнтычнасьць у Эўропе».

У сваім выступе віцэ-прэм'ер Польшчы Бэата Шыдла выказала меркаваньне, што эўрапейскае заканадаўства павінна грунтавацца на іудзейска-хрысьціянскіх каштоўнасьцях: «Можа падавацца, што нас не разумеюць, што рэшта Эўропы не заўважае значэньня эўрапейскіх каранёў у палітыцы ды разьвіцьці гаспадаркі. Аднак я магу з задавальненьнем канстатаваць, што наша бачаньне ЭЗ пачынае дамінаваць».

Форум «Закон для разьвіцьця» адбыўся ў Кракаве ў трэці раз. Паводле яго арганізатараў, на гэтую сустрэчу прыбыла прыкладна тысяча палітыкаў ды экспэртаў.

эж