Варшава падрыхтавала для амэрыканцаў некалькі прапановаў

Аб гэтым казаў прэзыдэнт Анджэй Дуда ў Нью-Ёрку неўзабаве пасьля выступу на Генэральнай Асамблеі ААН.

Прэзыдэнт падкрэсьліў, што Польшча зацікаўлена пастаяннымі амэрыканскімі базамі на сваёй тэрыторыі, і дадаў, што краіне трэба будзе несьці выдаткі, зьвязаныя з гэтым. Дуда абяцаў, што Польшча за свой кошт падрыхтуе інфраструктуру. Кошт падрыхтоўкі можа дасягнуць 2 млрд даляраў ЗША.

Прэзыдэнт таксама адзначыў, што Польшча гатова ўдзельнічаць у міратворчых місіях ААН у Паўднёвым Судане і на Галанскіх вышынях. У гэтыя краіны паедуць польскія паліцыянты, а на Галанскія вышыні – жаўнеры.

Дуда таксама распавёў пра сваю 50 хвілінную размову з прэм'ер-міністрам Ізраіля Біньямінам Нэтаньяху. Ён сказаў, што польска-ізраільскія адносіны складваюцца вельмі добра.

У кулюарах сэсіі ААН прэзыдэнт Польшчы таксама гутарыў з іншымі лідэрамі, сярод іншага, з кіраўніцтвам Палестынскай Аўтаноміі і Альбаніі.

яс