Расея абвінавачвае Ізраіль у зьбіцьці ІЛ-20

Расейскае Міністэрства абароны абвінаваціла Ізраіль у зьбіцьці расейскага самалёту ІЛ-20. Расейскі ваенны самалёт зьнік над Міжземным морам у той момант, калі ізраільскія зьнічшальнікі праводзілі атаку на сырыйскія аб’екты ў правінцыі Латакія.

Паводле расейскага боку, ізраільскія F-16 выкарысталі Іл-20 у якасьці шчыта, за якім схаваліся ад ракет сырыйскай супрацьпаветранай абароны. Расейскі самалёт зьбіла ракетная ўстаноўка С-300. На борце самалёту былі 15 расейскіх жаўнераў.

Здарэньне адбылося ноччу з панядзелка на аўторак, 35 км ад узьбярэжжа Сырыі. У расейскім міністэрстве паведамляюць, што Ізраіль паведаміў расейскі бок пра плянаваную апэрацыю толькі хвіліну да яе пачатку. Паводле Масквы, ізраільская армія падвергла небясьпецы самалёты і судны, якія знаходзіліся блізу цэлі. «У сувязі з гэтым мы маем права на адэкватны адказ», – сьцьвердзілі ў Міністэрстве абароны Расеі.

ав