Эўразьвяз падаўжае санкцыі супраць Расеі
PR dla Zagranicy
Viktar Korbut
06.09.2018 10:00
На наступным тыдні міністры ЭЗ павінны зацьвердзіць падаўжэньне яшчэ на паўгода санкцый супраць Масквы.
МаскваФота: pixabay.com/Public Domain CC0
Санкцыі ЭЗ супраць Расеі за далучэньне Крыма будуць падоўжаны на шэсьць месяцаў, да сярэдзіны сакавіка 2019 года. Так вырашылі паслы краін-членаў ЭЗ на сустрэчы ў Брусэлі. Для ўступленьня рашэньня ў сілу патрэбна згода міністраў ЭЗ, якая чакаецца на наступным тыдні.
У чорны сьпіс занесены сэпаратысты з Крыма, расейскія палітыкі і вайскоўцы — усяго больш за 150 чалавек. Яны ня змогуць уяжджаць у ЭЗ, у эўрапейскіх банках будуць заблякаваны іх рахункі. Акрамя таго, на тэрыторыі ЭЗ замарожаны актывы 44 кампаній.
IAR/вк