На Бангалоры цяпер можна будзе мітынгаваць хоць кожны дзень

У Беларусі ўводзіцца паведамляльны парадак правядзеньня масавых мерапрыемстваў. Гэта прадугледжана зьменамі ў Закон аб масавых мерапрыемствах.

Праўда, мітынгаваць можна толькі ў пэўных месцах, сьпіс якіх загадзя вызначаць мясцовыя ўлады. У Менску такім месцам традыцыйна лічыцца парк Дружбы народаў каля плошчы Бангалор.

Арганізатары мерапрыемства павінны паведаміць уладам пра сваю акцыю за дзесяць дзён. А за пяць дзён атрымаюць адказ. Адмовіць можна толькі ў тым выпадку, калі нехта ўжо сабраўся мітынгаваць у тым жа самым месцы ці калі «апавяшчэньне не адпавядае патрабаваньням заканадаўства».

Арганізатарам трэба яшчэ заключыць дамову з мэдыкамі, міліцыяй і прыбіральшчыкамі.

наша ніва/вс

фота мае ілюстрацыйны характар