Мальта пагадзілася прыняць карабель «Lifeline» з мігрантамі

Пра гэта заявіў прэм'ер-міністар Італіі Джузэпэ Контэ. На борце караблю «Lifeline», які належыць нямецкай няўрадавай арганізацыі, знаходзіцца больш за 200 мігрантаў. Спрэчка паміж Італіяй і Мальтай на конт таго, хто павінен прыняць карабель з мігрантамі, цягнулася на працягу 5 дзён.

Прэмʼер Італіі паведаміў, што ў тэлефоннай размове са сваім мальтыйскім калегам Джозэфам Мускатам, была дасягнутая дамоўленасьць аб тым, што карабель прыбудзе ў Мальту. У сваю чаргу, урад Італіі абавязаўся прыняць частку ўцекачоў з караблю «Lifeline» на сваю тэрыторыю.

Міністар унутраных спраў Італіі Матэа Сальвіні заявіў, што няўрадавыя арганізацыі, падбіраючы мігрантаў у Міжземнаморʼі і дастаўляючы іх на тэрыторыю Эўрапейскага Зьвязу, спрыяюць росквіту бандаў, якія займаюцца нелегальным транспартам уцекачоў у Эўропу.

эж