У Амстэрдаме мікрааўтобус пратараніў рэдакцыю часопіса «De Telegraaf»

Галяндзкая паліцыя паведамляе, што ў 4 гадзіны раніцы зламысьнік намерана пратараніў уваход у галоўны будынак рэдакцыі часопісу «De Telegraaf». Пасьля інцыдэнту мікрааўтобус загарэўся, а злачынца ўцёк з месца здарэньня.

Падчас атакі ніхто не пацярпеў, працягваюцца захады па пошуку кіроўцы мікрааўтобусу.

«De Telegraaf«, найбуйнейшы галяндзкі штодзёньнік, які спэцыялізуецца на спартыўных навінах і крымінальнай хроніцы. Галоўны рэдактар выданьня пераконвае, што злачынцу не ўдалося запужаць калектыў выданьня й яны працягваюць працу ў звычайным рэжыме.

эж