Дзяржава абяцае дапамагчы польскім сялянам у засушлівых раёнах

Прэм'ер Матэвуш Маравецкі запэўніў, што ўрад распачне неабходныя меры для аказаньня дапамогі сялянам, якія пацярпелі ад засухі. Паводле дадзеных Міністэрства сельскай гаспадаркі й разьвіцьця вёскі Польшчы, каля 4 млн га з 14 млн га усяго зямельнага фонду краіны ў рознай ступені закранутыя засухай.

«Мы не пакінем аграрыяў зь іх праблемамі, будзем прымаць і ўводзіць у жыцьцё неабходныя рашэньні. Урад паінфармаваны аб наступствах засухі ў сельскай гаспадарцы», – заявіў прэмʼер Маравецкі.

У бліжэйшыя дні Мінсельгас прадставіць пакет падтрымкі для польскіх фэрмэраў. У прыватнасьці, будзе прапанавана прадастаўленьне пацярпелым ільготных крэдытаў або частковае скарачэньне сельскагаспадарчага падатку ў раёнах, ахопленых засухай.

вс