На ўсходзе Украіны адбываюцца баі ўздоўж усёй лініі разьмежаваньня

На працягу мінулых содняў тэрарыстычныя фармаваньні так званых ЛНР і ДНР 33 разы прыцэльна абстралялі пазыцыі Узброеных сіл Украіны, паведамляецца ў прэс-цэнтры Апэрацыі аб'яднаных сіл.

14 чэрвеня працягваліся інтэнсіўныя баявыя дзеяньні. З 33 абстрэлаў пазыцый украінскіх вайскоўцаў, 15 былі зьдзейсьненыя забароненымі згодна з Менскімі пагадненьнямі мінамётамі калібраў 120 і 82 мм, а таксама 5 разоў артылерыяй калібру 122 мм.

На луганскім накірунку баі не спыняюцца паблізу пасёлкаў Новаташкоўскае й Арэхава. На горлаўскім накірунку агнявыя сутыкненьні адбываюцца паблізу населеных пунктаў Траецкае, Луганскае й Паўднёвае. На Данецкам кірунку – у раёнах населеных пунктаў Аўдзееўка, Опытнэ, Багданаўка, таксама баі працягваюцца і на марыўпальскім накірунку.

«Падразьдзяленьні Абʼяднаных сіл надзейна ўтрымліваюць рубяжы, даюць годны адпор ворагу і ўжо прымусілі яго спыніць правакацыйныя абстрэлы», – паведамляюць украінскія вайскоўцы.

Падчас чарговага абвастрэньня былі забітыя 2 украінскія вайскоўцы, а таксама 6 атрымалі раненьні рознай ступені цяжкасьці. Па дадзеных украінскай выведкі, было зьнішчана 12 прарасейскіх тэрарыстаў.

паводле pravda.com.ua/эж