Польскі ўрад хоча стаць «міратворцам» паміж ЭЗ і ЗША

«Польскі ўрад хоча быць інтэгратарам паміж Эўрапейскім Зьвязам і Злучанымі Штатамі», – сказаў прэм'ер-міністар у інтэрвію штодзёнцы «Gazeta Polska».

Матэвуш Маравецкі адзначыў, што з аднаго боку Польшча зьяўляецца саюзьнікам ЗША, а з другога – супрацоўнічае з Эўразьвязам. «Усе бачаць, што дарогі ЭЗ і Амэрыкі сталі моцна разыходзіцца, і цяпер залежыць ад нас, ці будзем мы будаваць сябе ў якасьці інтэгратара паміж двума субʼектамі, ці будзем мы ў нязручнай сытуацыі пастаянна манэўраваць паміж імі», – сказаў прэмʼер-міністар.

"Гэтае рашэньне дае вялікія шанцы для нашай краіны. На карысьць такога сцэнару мы працуем", – падкрэсьліў прэмʼер-міністар.

яс