Яўка на прэзыдэнцкіх выбарах у Расеі ў некалькі разоў завышаная

Актывісты грамадзкіх рухаў, у тым ліку «Голас» і «Назіральнікі Пецярбурга», заявілі пра масавую фальсыфікацыю вынікаў галасаваньня на прэзыдэнцкіх выбарах у Расеі, якое адбылося 13 сакавіка.

Фальсыфікацыя датычыцца павелічэньня яўкі і колькасьці выбаршчыкаў, якія прагаласавалі за Ўладзіміра Пуціна. Пра гэта піша «Новая газета».

Удзельнікі праекту прааналізавалі рэгіёны з самай высокай яўкай выбаршчыкаў. У большасьці рэальная яўка была каля двух ці трох, або нават пяць разоў ніжэй, чым афіцыйная.

Расейскія незалежныя назіральнікі атрымалі запіс з відэакамэр, устаноўленых у васьмі тысячах выбарчых участкаў у Расеі. Было выбрана 50 відэазапісаў, па 10 з выпадковых участкаў пяці рэгіёнаў Расеі, дзе была самая высокая яўка - гэта Кабардзіна-Балкарыя (яўка 91,8%), Чачэнія (91,54%), Дагестан (87,48%) Карачаева-Чаркесія (87,41%) і Татарстан (77,42%).

Валянтэры падлічылі колькасьць людзей, якія прагаласавалі на выбарчых участках, а затым гэтыя вынікі параўналі з дадзенымі ЦВК Расейскай Фэдэрацыі. Аказалася, што яўка была прыкладна два, тры ці нават пяць разоў ніжэйшай, чым афіцыйная. У агульнай складанасьці, адрозьненьне выніку візуальнага падліку выбаршчыкаў на ўчастках і афіцыйных дадзеных склала 30 тысяч галасоў.

Паводле афіцыйных вынікаў ЦВК, на прэзыдэнцкіх выбарах у Расеі 18 сакавіка Ўладзімір Пуцін атрымаў амаль 77% галасоў. Яўка выбаршчыкаў склала 66,5%.

яс