Ля Варшавы пабудуюць найбуйнейшы аэрапорт у Эўропе

Прэзыдэнт Анджэй Дуда падпісаў спэцзакон па будаўніцтве Цэнтральнага камунікацыйнага порта. Новы аэрапорт будзе пабудаваны паміж гарадамі Лодзь й Варшава й павінен стаць адным з найбуйнейшых аэрапортаў у Эўропе.

Новы аэрапорт замяніць варшаўскі аэрапорт імя Фрыдэрыка Шапэна. Ён будзе пабудаваны ў мясцовасьці Станіславаў (Stanisławów) у гміне Баранава ў 40 кілямэтрах на захад ад Варшавы.

Яшчэ сёлета будзе агучаны міжнародны архітэктурны конкурс. Затым узьнікне кампанія, якая зоймецца каардынацыяй будаўніцтва порту й камунікацыйных шляхоў.

Паводле ўступных ацэнак, будаўніцтва порта павінна пачацца ў 2021 годзе й будзе каштаваць больш за 30 мільярдаў злотых (амаль 10 мільярдаў эўра).

Сам аэрапорт павінен прычыніцца да ўзьнікненьня каля 37 тысяч працоўных месцаў.

Паводле плянаў, першы самалёт павінен адправіцца з Цэнтральнага камунікацыйнага порту ў 2027 годзе.

аз