У Чачні ўсе грамадзяне пройдуць тэст ДНК

Як растлумачылі ўлады гэтай каўкаскай рэспублікі, мэта кампаніі – дапамога ва ўсталяваньні сваяцтва дзяцей, чые бацькі былі затрыманыя па падазрэньні ў тэрарыстычнай дзейнасьці ў Сырыі і Іраку. Па дадзеных Фэдэральнай службы бясьпекі, па меншай меры некалькі тысяч грамадзян Расейскай Фэдэрацыі знаходзіцца ў шэрагах джыхадзістаў.

Пасьля разгрому ў Сырыі і Іраку некаторых тэрарыстычных груп, акрамя баявікоў, у палон былі ўзятыя іх жонкі і дзеці. Сабраныя ў Чачні ўзоры ДНК дапамогуць вызначыць бацькоўства, што дазволіць вярнуць расейскіх дзяцей у Расею.

Да гэтага часу з дапамогай расейскіх уладаў, у Расею вярнуліся каля ста жанчын з маленькімі дзецьмі. Паводле зьвестак МЗС РФ, у турмах, у асноўным у Іраку, усё яшчэ застаецца каля 70 расіянак і больш за сотню дзяцей. У красавіку ірацкі суд прыгаварыў 19 жанчын на пажыцьцёвае зьняволеньне.

яс