Ізраіль пачаў будаўніцтва падводнага бар'еру ўздоўж мяжы з сэктарам Газа

Перашкода прызначана для прадухіленьня нечаканых нападаў Xамасу на тэрыторыі Ізраіля ад мора. Бар’ер будзе праходзіць паміж кібуцам Зікім на поўдні краіны і Міжземным морам. Міністэрства абароны плянуе, што праца будзе завершана да канца году.

Ізраільскія ўлады не раскрываюць даўжыню або глыбіню барʼера. Ідэя стварэньня яго зьявілася ў 2014 годзе, калі на тэрыторыю Ізраіля з мора праніклі пяць узброеных баявых плыўцоў Хамасу.

Мяжа з сэктарам Газа зьяўляецца найбольш турбулентнай часткай тэрыторыі Ізраіля. З сакавіка ўздоўж мяжы праходзяць дэманстрацыі палестынцаў з тысячамі ўдзельнікаў.

У выніку былі застрэленыя больш за сотню чалавек і 13 тысяч былі параненыя. Масавыя дэманстрацыі найбольшую інтэнсіўнасьць дасягнулі ў сярэдзіне траўня ў сувязі з цырымоніяй адкрыцьця пасольства ЗША ў Ерусаліме.

яс