На блякаваньне сайту Legalize Belarus настойвала міліцыя

З 17 траўня ў Беларусі абмежаваны доступ да сайта грамадзкай кампаніі Legalize Belarus, актывісты якой дамагаюцца дэкрыміналізацыі наркатычнага заканадаўства. Як паведамілі Эўрарадыё ў Міністэрстве інфармацыі, на блякаваньне настойвала МУС.

„[Сайт заблякаваны] на падставе апавяшчэньня зь Міністэрства ўнутраных справаў. За прапаганду ўжываньня наркатычных сродкаў”, - паведамілі ў МУС.

Кампанія Legalize Belarus ставіць сваёй мэтай „шляхам адукацыі й асьветы прасоўваць навуковую інфармацыю й спрыяць адказнаму стаўленьню грамадзтва да псыхаактыўных рэчываў, якія кантралююцца дзяржавай, а таксама да іх спажыўцоў". Таксама актывісты кампаніі дамагаюцца дыфэрэнцыяцыі пакараньняў за парушэньні закона, зьвязаныя з абаротам кантраляваных рэчываў у Беларусі, і адмены крымінальнага перасьледу за захоўваньне псыхаактыўных рэчываў у малых колькасьцях.

аз