Нашчадак брытанскага трону бярэ шлюб

19 траўня ў лёнданскім прыгарадзе Ўіндзор адбудзецца вясельле прынца. Каля алтара стане прынц Гары ды амэрыканская акторка Мэган Маркл.

Мястэчка прыцягвае турыстаў з усяго сьвету, асабліва з ЗША, адкуль паходзіць маладая. Чакаецца, што з Амэрыкі прыедзе каля ста тысяч чалавек.

У капліцы сьвятога Джорджа з чатырнаццатага стагодзьдзя змогуць увайсьці толькі шэсьцьсот чалавек. Пасьля цырымоніі, якую адправіць галава англіканскай царквы Джасьцін Ўэлбі адбудзецца праезд маладых у адкрытай карэце.

Нявеста да алтара павядзе прынц Чарльз, спадчыньнік трона. Стан здароўя не дазволіў прыехаць на шлюб бацьку акторкі.

Мэган Марк вядома па ейнай ролі ў тэлесэрыяле «Пад гальштукам» ( «Suits»). Камэнтатары ў Вялікабрытаніі адзначаюць, што яшчэ некалькі гадоў таму шлюб з амэрыканкай, з нізоў сацыяльнай герархіі, у дадатак разьвядзёнцы палічыўся б праблематычным у каралеўскай сямʼі.

Таксама Маркл будзе першай асобай у царскай сямʼі зьмешанага этнічнага паходжаньня.

Прынц Гары ёсьць шостым прэтэндэнтам у чарзе на трон. Малаверагодна, што менавіта ён будзе валадарыць Злучаным Каралеўствам.

ПР/юл