Падчас доўгіх выходных паліцыя праводзіць узмоцненыя праверкі кіроўцаў

У Польшчы працягваюцца свабодныя дні, зьвязаныя з 1 траўня і затым са сьвятам Канстытуцыі 3 траўня 1791 году. Дастаткова папрасіць на працы адпачынак на панядзелак, сераду і пятніцу, і можна мець свабодныя дні ад 28 красавіка да 6 траўня.

У гэты час паліцыя праводзіць на дарогах узмоцненыя праверкі кіроўцаў. Найперш правярае ў вадзіцеляў цьвярозасьць. Кожны дзень на працу на дарогах выходзіць 5 тысяч супрацоўнікаў паліцыі.

Паліцыя заклікае ўзяць адказнасьць за бясьпеку на дарозе ня толькі кіроўцаў, а таксама іх таварышаў, і не дазваляць выпіўшаму чалавеку сядаць за руль.

Галоўная камэндатура паліцыі ў Варшаве паведамляе, што летась падчас гэтак званых доўгіх выходных нецьвярозыя асобы ўдзельнічалі ў 90 ДТЗ, у выніку якіх 9 чалавек загінулі.

яс